muli mong nilagok
ang ilog sa aking mga mata
pumikit ako
upang taimtim
na kaulayawin
ang iyong uhaw
ang aking uhaw
dahan-dahan pumagaspas
ang paruparo mong labi
dumapo sa aking noo
kilay pilik talukap ng mata ilong
pisngi baba pisngi t enga batok tenga
leeg tenga batok leeg
baba
labi
at tumigil ang lahat
ang lahat lahat
maliban sa pagparoo’t parito ng mga alon
maliban sa pagtaas at pagbaba ng mga alon
maliban sa paglukot at paglatag ng mga alon
maliban sa pagparoo’t parito
pagtaas at pagbaba
paglukot at paglatag
ng mga alon
maliban sa ritmo ng ating hininga
maliban sa indayog ng ating katawan.
This entry was posted on Wednesday, June 18th, 2008 at 7:50 am and is filed under siwang sa mga sulok ng sarili. You can follow any responses to this entry through the RSS 2.0 feed.
You can leave a response, or trackback from your own site.
